XX. mendeko Euskararen Corpus estatistikoa

Testuingurua

ELTZURREA ETA BI GIZONAK

Gaizoak Betirisants ukanki aitaso,
sortuz geroztik alde bat moltsan kukuso,
egin zuen, egun hartan,
hobe zuela miletan
bere bizi ilauna hortan gelditzea,
hots, berehala bere burua garbitzea!

Hor, soka bat harturik, zokoz zoko baitzabilan
bere lanaren egiteko toki baten bilan,
borda zahar bat kausitu zuen bere bidean
eta ikusi leku bat hauta bazuela han.

Gaineko ernai handi lodienari,
sokaren lotzen zelarik beraz ari,
asma, zuk, zer zitzaion kasik gainera erori!
Eltzurre bat! Eltzurre bat, bai, eta sosez jori!

Haren bozkarioa! Haren alegrantzia!
Diru hark ez ote zion salbatzen bizia?
Eskuratzen du eta, soka han utzirik,
badoa handik laster, bihotza argirik!

Betirisants delakoaren semetxia
badoalarik han-harat bixi-bixia,
hor, eltzurrearen jabe zuzena bordan sartu,
eta bere zorigaitzari abian ohartu!
Ikusi zuenean bere ontasuna,
joana:
- Oi zorigaitza! - zuen egin bere baitan.
Handiagorik ezin daite mundu huntan!
Jasanen dutala holako atsegabe
ikaragarria, berehala hil gabe?
Ene burua ez dutala urkatuko?
Bai, segurki, edo soka zait eskastuko! -